Të shtunën Komiteti Olimpik i Kosovës ka shpallur Laueratët e vitit 2022, ku sportistja më e mirë vitit të kaluar i zgjodh xhudistja Distria Krasniqi pas sukseseve të jashtëzakonshme në arenën ndërkombëtare.
Për këtë çmim është shprehur shumë i lumtur trajneri i saj Driton Kuka. Ta pranishëm në këtë ceremoni ndër të tjerë ishin edhe presidentja e Republikës së Kosovës, Vjosa Osmani, si dhe ambasadori i Shteteve të Bashkuara të Amerikës në Kosovë, Jef Hovenie.
Me këtë të fundit, Kuka ka thënë se kishte një bisedë të shkurtër, ku ndër të tjera ai i ka zbuluar se në fëmijërinë e tij kishte stërvitur në sportin e xhudos.
Postimi i plotë i Driton Kukës në “Facebook”:
Sportistja më e mirë e vendit tonë për vitin 2022 Distria Krasniqi e që këtë titull e pranoj nga Presidentja e Vendit Vjosa Osmani dhe Kryetari i KOK Ismet Krasniqi!
Foto me Presidenten,Kampionen tonë Olimpike dhe Ambasadorin e Shteteve të Bashkuara të Amerikes Jef Hovenier!
Ambasadori i USA na tregoj që në fëmijëri kishte stërvitur xhudo dhe se do na vizitoj së shpejti në Pejë në stërvitje!
Ja shpreha me sinqeritet admirimin tim për shtetin më të fuqishëm e demokratik në Botë dhe ju falenderova për krejt çka USA ka kontribuar që sot të kemi shtetin tonë.
/TV Arbëria
