Do të nis sot xhiro e 22-të e Superligës së Kosovës me dy ndeshje mjaft interesante.
Skuadra e fundit në tabelë, Ferizaj do të ballafaqohet në shtëpi me skuadrën pretendente për titull të kampionit Dritën, me fillim nga ora 13:00.
Në prag të kësaj ndeshje, Drita ka 44 pikë në vendin e dytë, tri më pak se Ballkani si lider, ndërsa Ferizaj e mbyll renditjen tabelare të Superligës me vetëm 18 pikë pas 21 ndeshjeve.
Po ashtu nga ora 13:00 do të zhvillohet një tjetër sfidë shumë interesante pasi do të ballafaqohen dy skuadrat që po luftojnë direkt për mbijetesë, Malisheva dhe Drenica, ndeshje që zhvillohet në stadiumin “Liman Gegaj” në Malisheva.
Këto dy ekipe mbajnë pozitat tetë dhe nëntë dhe kanë vetëm një pikë diferencë. Malisheva ka 21 pikë, kurse Drenica 20 sosh.
/TV Arbëria
