Policia sot ka informuar se 12 persona janë arrestuar gjatë kësaj jave për veprat penale “trafikim me njerëz” dhe “mundësim apo detyrim në prostitucion”.
Sipas Policisë, është identifikuar një viktimë e trafikimit si dhe dy viktima të keqtrajtimit apo braktisjes së fëmijës.
Në gjashtë operacionet e ndara policore janë arrestuar: A.Th., (viti i lindjes 1978, mashkull nga Kosova); A. Xh., (viti i lindjes 1997, femër nga Kosova); E. M., (viti i lindjes 1993, mashkull nga Kosova); F. H., (viti i lindjes 2000, femër nga Kosova); D. I., (viti i lindjes 1991, femër nga Kosova); J. H., (viti i lindjes 1994, femër nga Kosova); Sh. I., (viti i lindjes 1981, femër nga Kosova); Gj. G., (viti i lindjes 1993, femër nga Kosova); M. Th., (viti i lindjes 2000, femër nga Kosova); A. B., (viti i lindjes 1997, mashkull nga Kosova); J. J., (viti i lindjes 1991, femër nga Kosova) dhe Q. H., (viti i lindjes 1963, mashkull nga Kosova).
“Gjatë këtyre operacioneve janë kontrolluar edhe tri objekte, dy prej tyre sallone masazhi dhe një shtëpi private, si prova materiale janë sekuestruar: 1 armë zjarri/revole, 3 fishekë 9 mm, 5 telefona mobilë, dokumente tjera të nevojshme që kontribuojnë në hetimin e rastit. Operacioni policor për rastet e trafikimit me njerëz, është zhvilluar pas shkëmbimit të informatave me autoritetet e Austrisë, ku edhe është bërë identifikimi i një viktime të moshës së mitur, e cila po trajtohet sipas Procedurave Standarde të Veprimit për personat e trafikuar.”, ka bërë të ditur Policia.
Të gjitha veprimet policore janë kryer me autorizimin e prokurorëve përkatës dhe nga 12 të arrestuarit, gjashtë të cilëve u është caktuar masa e ndalimit për 48 orë.
/TV Arbëria