Christian Atsu ka ndërruar jetë në moshën 31-vjeçare, kanë konfirmuar të dy agjentët dhe menaxheri i tij.
Ish- futbollisti i Premier League, i cili luajti për Necastle United dhe Chelsea, u zhduk pas tërmetit shkatërrues në Turqi dhe Siri të hënën, më 6 shkurt. Trupi i tij i pajetë u gjet dhe lajmi i hidhur u konfirmua mëngjesin e së shtunës (18 shkurt).
Atsu ishte një futbollist profesionist i talentuar ganez që ka bërë emër në botën e futbollit.
Ai lindi në një familje të madhe më 10 janar 1992, në Ada Foah, Rajoni i Madh i Accra, Gana. Atsu ishte një nga dhjetë fëmijët e familjes që përbëhej nga gjashtë djem dhe katër vajza.
Ish-futbollisti së fundmi luante si sulmues për klubin turk Hatayspor dhe ishte gjithashtu pjesë e ekipit kombëtar të Ganës.
Karriera e Atsu në futbollin profesionist filloi në Porto, ku bëri emër me paraqitjet e tij mbresëlënëse. Paraqitjet e tij tërhoqën vëmendjen e Chelseat, q nënshkroi me të në 2013.
Sa i përket jetës private, Christain Atsu ishte baba i tre fëmijëve, dy djem dhe një vajzë.
Nuk ka shumë informacione në dispozicion të publikut për gruan e Christian Atsu, Marie-Claire Rupio Atsu, dhe fëmijët e tyre, pasi ata preferojnë ta mbajnë private jetën e tyre personale.
Atsu dhe gruaja e tij, Marie-Claire Rupio Atsu, kishin një histori të bukur dashurie që filloi gati një dekadë më parë kur ai luante për Porton në Portugali.
Të dy u takuan në Portugali dhe shumë shpejt ranë në dashuri. Ata u martuan në vitin 2012 dhe që atëherë ishin bashkë.
Ish-reprezentuesi ganez u gjet i vdekur pas 12 ditësh kërkimi nën rrënojat e tërmetit shkatërrues në Hatay të Turqisë. /TV Arbëria
