Policia e Kosovës ka evidentuar tri raste me falsifikim të dokumenteve nëpër pikë kalime kufitare gjatë 24 orëve të fundit.
Në pikë kalimin kufitar Dheu i Bardhë është raportuar se një burrë i dyshuar ka prezantuar një patentë shofer i cili dyshohej se është i falsifikuar.
Sipas policisë, patentë shoferi është sekuestruar për ekzaminim dhe procedura të mëtutjeshme hetimore. Derisa, në lidhje me rastin është konsultuar prokurori. Rasti ka ndodhur më 9 shkurt rreth orës 06:30.
Falsifikim tjetër me dokumente është evidentuar edhe në Aeroportin ‘Adem Jashari’ ku gjatë kontrollit të dokumenteve një grua ka prezantuar pasaportën që dyshohet të ketë qenë e falsifikuar.
Sipas policisë, e dyshuara është intervistuar dhe me vendim të prokurorit, është liruar në procedurë të rregullt.
Në aeroportin ‘Adem Jashari’ është trajtuar edhe një rast tjetër si ‘Keqtrajtim me dokumente’ ku një grua shqiptare ka prezantuar pasaportën e një gruaje tjetër shtetase e Shqipërisë.
Në raportin policor thuhet se e dyshuara është intervistuar dhe pas procedurave-kundërvajtje me vendim të prokurorit, është depërtuar deri në pikë kalimin kufitar në Vërmicë.
Njoftimet e policisë:
Falsifikim i dokumentit
PKK Dheu i Bardhë 09.02.2023 – 06:30. Raportohet se i dyshuari mashkull shtetas nga Kosova ka prezantuar një patentë shofer i cili dyshohet se është i falsifikuar, patentë shoferi është sekuestruar për ekzaminim dhe procedura të mëtutjeshme hetimore. Në lidhje me rastin është konsultuar prokurori, rasti vazhdon të hetohet.
Falsifikim i dokumentit
ANP-së, Prishtinë 09.02.2023-16:15. Gjatë kontrollit të dokumenteve e dyshuara femër kosovare ka prezantuar pasaportën që dyshohet të jetë e falsifikuar. E dyshuara është intervistuar dhe me vendim të prokurorit, është liruar në procedurë të rregullt.
Keqpërdorim i dokumentit
ANP-së. Prishtinë 09.02.2023-18:50. Gjatë kontrollit të dokumenteve e dyshuara femër shqiptare ka prezantuar pasaportën e një femre tjetër shtetase e Shqipërisë. E dyshuara është intervistuar dhe pas procedurave-kundërvajtje me vendim të prokurorit, është depërtuar deri në PKK-Vermicë.
/TV Arbëria