Numri i të vdekurve nga tërmeti shkatërrues që ka goditur Turqinë dhe Sirinë të hënën ka arritur në 16 mijë e 35, sipas autoriteteve.
Në Siri, numri i përgjithshëm i viktimave është të paktën 3 mijë e 162, duke përfshirë 1 mijë e 900 në zonat e kontrolluara nga rebelët në veriperëndim, sipas grupit të mbrojtjes civile “Helmetat e Bardha”.
Rreth 1 mijë e 262 vdekje janë regjistruar në pjesët e kontrolluara nga qeveria të vendit, sipas mediave shtetërore siriane.
Në Turqi, numri është rritur në të paktën 12 mijë e 873, ka informuar të enjten Agjencia e Menaxhimit të Fatkeqësive dhe Emergjencave të Turqisë (AFAD).
Agjencitë e ndihmës kanë paralajmëruar se numri ka të ngjarë të rritet ndjeshëm, veçanërisht në Siri, shkruan CNN, përcjell KosovaPress
Dhjetëra mijëra njerëz janë raportuar të plagosur në të gjithë rajonin, sipas zyrtarëve. /TV Arbëria