Glauk Konjufca është shprehur i pikëlluar për përmasat tragjike të tërmetit, që ka goditur sot Turqinë.
Konjufca në një postim në Facebook ju ka shprehur ngushllimet më të sinqerta popullit turk.
“Në këto çaste të vështira e tronditëse, zemrat tona të thyera janë me familjet e viktimave të termetit dhe lutemi për shërimin e të lënduarve. Në emër të Kuvendit të Republikës së Kosovës dhe në emrin tim i shpreh ngushëllimet më të sinqerta dhe solidaritetin popullit turk, Presidentit të Republikës së Turqisë, z.Recep Tayyip Erdoğan, Asamblesë së Madhe Kombëtare dhe Presidentit të saj, z.Mustafa Şentop.”, ka shkruar Konjufca në Facebook.
Të paktën 284 njerëz kanë vdekur dhe 2,323 të tjerë janë lënduar në 10 provinca pas një tërmeti të fortë që ka goditur sot në mëngjes Turqinë jugore. Zëvendëspresidenti Fuat Oktay ka bërë të ditur se 1710 ndërtesa janë shembur si pasojë e tërmetit. /TV Arbëria