Superliga e Shqipërisë i rikthehet aksionit sot me dy ndeshje tejet interesante, të vlefshme këto për xhiron e 20 të këtij sezoni.
Ndeshja hapëse e programit të sotëm zhvillohet me fillim nga ora 13:00, ku në stadiumin “Egnatia”, kampioni aktual, KF Tirana është mysafir i skuadrës së Egnatias, raporton TV Arbëria.
Momentalisht, Tirana zë vendin e parë në tabelë me 34 pikë, krahas Egnatias që renditet në vendin e pestë me 27 të arkëtuara.
Ndërkaq, ndeshja përmbyllëse e ditës së sotme në kampionatin shqiptar zhvillohet me fillim nga ora 19:00, ku Partizani e pret në shtëpi skuadrën e Laçit.
Partizani zë vendin e dytë në tabelë me 31 pikë të arkëtuara, krahas Laçit që renditet në vendin e gjashtë në kuotën e 26 pikëve.
13:00 Egnatia – KF Tirana
19:00 Partizani – Laçi
