Sergio Ramos ka shumë shanse që të rikthehet në Kombëtaren e Spanjës, sipas trajnerit të ri Luis de la Fuente.
Mbrojtësi i Paris Saint-Germain është rekordmeni që ka bërë më së shumti paraqitje te Spanja, me gjithsej 180 sosh, përgjatë kohës sa ishte pjesë e skuadrës triumfuese të Kupës së Botës në vitin 2010, dhe gjithashtu në triumfet e Kampionateve Evropiane të viteve 2008 dhe 2012.
Sidoqoftë, 36 vjeçari, i cili ka bërë 27 paraqitje për PSG këtë sezon, nuk ka luajtur asnjëherë për kombëtaren që prej fitores 3:1 kundër Kosovës në mars të vitit 2021, duke humbur Euro 2020 dhe Kupën e Botës 2022.
Po ashtu, De La Fuente e ka lënë derën e hapur për mbrojtësin në ndeshjen e parë në krye të Spanjës kundër Norvegjisë në kualifikimet drejt Kampionatit Evropian 2024 në mars.
“Ta bëjë seleksionimin është një proces i gjatë. Fillimisht, ne e fillojmë duke kontrolluar të gjithë lojtarët spanjoll, dhe pastaj e shkurtuam në 70 ose 80 lojtarë, e cila i bie gjashtë ose shtatë për pozicion, dhe më pastaj e shkurtojmë më shumë”, tha De La Fuente.
“Sigurisht në idenë e parë, edhe Sergio Ramos e Iago Aspas ose futbollist të tjerë spanjollë që janë tejet të mirë edhe në buzët e çdo tifozi do e kenë mundësinë të vinë. Sidoqoftë, ajo nuk nënkupton që ata do të vinë, sepse ka lojtarë të tjerë që janë gjithashtu tejet të mirë, dhe duhet të shikoni shumë aspekte kur e bëni thirrjen”, shtoi më tej trajneri spanjoll.
/TV Arbëria
