Kryetari i AAK-së, Ramush Haradinaj, sot ka deklaruar se me pikëllim e ka marrë lajmin për vdekjen e Merita Mehmetajt, bashkëshortes së heroit Adrian Krasniqi.
Haradinaj ka potencuar se Mehmetaj ka dhënë kontribut të çmuar në bartje të materialit luftarak nga Shqipëria për në Kosovë.
“Meritën, kisha rastin ta njoh në kohërat e vështira. Bashkë me Adrianin derisa vepronim për çlirimin e Kosovës, ajo dha kontribut të çmuar në bartje të materialit luftarak nga Shqipëria për në Kosovë. Ngushëllimet më të sinqerta familjes dhe gjithë atyre që e njohën. U prehsh në paqe, Meritë!”, ka shkruar Haradinaj në Facebook.
Në moshën 47 vjeçare ka ndërruar jetë Merita Mehmetaj, bashkëshortja e heroit Adrian Krasniqi. Varrimi i të ndjerës do të bëhet sot, në orën 14:00 në varrezat e fshatit Dubovë e Madhe të Pejës.
/TV Arbëria
LEXO EDHE:
Vdes Merita Mehmetaj, bashkëshortja e heroit Adrian Krasniqi