Ka përfunduar ndeshja tejet interesante mes Liverpoolit dhe Chelseat, ku të dy skuadrat kanë ndarë pikët e barabarta.
Pas plot 90′ minutave lojë të zhvilluara në stadiumin “Anfield Road”, Liverpooli ka barazuar me Chelsean 0:0, raporton TV Arbëria.
Të dy skuadrat kishin rastet e tyre për ta gjetur golin, por që portierët si Alisson ashtu edhe Kepa arritën të mbajnë portat e paprekura.
Në fakt, Chelsea arriti ta gjej golin qysh në fillim të ndeshjes në minutën e 3′ përmes Kai Havertz, por që VAR-i ia anuloi për shkak të pozitës jashtë loje.
Me pikët e reja, Liverpooli zë vendin e tetë me 29 pikë, krahas Chelseat që ka po aq pikë në vendin e 10.
Po ashtu, kjo ishte ndeshja e tretë e Liverpoolit pa fitore, ku ende nuk ka arritur ta shijojë atë në vitin 2023.
Rezultati final i ndeshjes, 0:0.