Një shpërthim me lëndë plasëse është regjistruar gjatë orëve të para të mëngjesit të sotëm në zonën e Tufinës, në Tiranë. Sipas informacioneve paraprake, ngjarja ka ndodhur rreth orës 02:45, në tarracën e një dyqani lulesh në pronësi të një 65-vjeçari.
Si pasojë e shpërthimit janë shkaktuar dëme të vogla materiale, ndërsa nuk raportohet për persona të lënduar. Policia bën me dije se nga veprimet hetimore është identifikuar autori i dyshuar, por identiteti i tij nuk bëhet publik për shkak të vijimit të hetimeve. Grupi hetimor po punon për zbardhjen e plotë të rrethanave te ngjarjes.
“Më datë 01.11.2026, rreth orës 02:45, në Tufinë, në tarracën e një dyqani lulesh, në pronësi të shtetasit A. K., rreth 65 vjeç, është hedhur dhe ka shpërthyer një sasi e vogël e dyshuar lënde plasëse. Si pasojë janë shkaktuar dëme të vogla materiale.
Nga veprimet hetimore të kryera është bërë i mundur identifikimi i autorit të dyshuar. Për shkak të vijimit të hetimeve, nuk bëhen me dije gjeneralitetet e tij. Grupi hetimor, nën drejtimin e Prokurorisë, vijon veprimet për dokumentimin e plotë të rastit dhe sqarimin e rrethanave të saj” – thotë policia. /Lapsi.al