Një person dyshohet se po kryen vjedhje në disa dyqane në Fushë-Kosovë dhe po sulmon edhe punëtorët e tyre.
Këto vepra kriminale, Besnik Gjocaj po i dokumenton duke i publikuar në rrjetin social TikTok, shkruan IndeksOnline.
Incidenti më i fundit ndodhi në një market në qytetin e Fushë-Kosovës, ky Gjocaj hyri dhe mori një paketim me cigare.
Duke refuzuar të paguajë, ai e kërcënoi me dhunë njërin prej punëtorëve.
Këtë veprim, Gjocaj e dokumentoi deri në momentin e kanosjes.
Më pas, ai nisi dhunën ndaj punonjësit.
Në video të tjera të publikuara në TikTok, Gjocaj deklaroi se nuk e ka problem as policinë e as ata që kundërshtojnë veprimet e tij.
Bëhet e ditur se policia veçse është në dijeni mbi veprimet e të dyshuarit në fjalë.