Kanë përfunduar dy nga tri ndeshjet e programit të sotëm të Kupës së Shqipërisë, ku kemi rezultate interesante.
Pas 90 minutave lojë të zhvilluara në stadiumin “Loni Papuciu”, skuadra e Apolonisë së Fierit dhe ajo e Kukësit kanë barazuar pa gola, respektivisht 0:0.
Ndërkaq, krahas takimit mes Apolonisë së Fierit dhe Kukësit u zhvillua edhe përballja tjetër mes Skënderbeut dhe Egnatias.
Skuadra e Egnatias shënoi fitore si mysafire në stadiumin “Skënderbeu”, duke mposhtur nikoqirët me rezultat minimal 1:0.
Golin e vetëm të ndeshjes e shënoi Gytis Paulauskas, i cili vulosi fitoren e Egnatias në minutën e 90’+6 shtesë.
Ndeshja e fundit e programit të sotëm në Kupën e Shqipërisë fillon nga ora 16:00, ku përballen Erzeni dhe skuadra e Teutës.
Rezultatet e ndeshjeve që kanë përfunduar në Kupën e Shqipërisë i gjeni më poshtë.
Apolonia Fier 0:0 Kukësi
Skënderbeu 0:1 Egnatia
16:00 Erzeni – Teuta
/TV Arbëria
