Xavi Hernandez ka lavdëruar mesfushorin e Barcelonës, Gavi dhe përshëndeti aftësitë e tij të shfaqura në fushë, pavarësisht se është vetëm 18 vjeç.
Mesfushori luajti me dy asistime dhe një gol në El Clasico të dielën, teksa Barcelona mposhti Real Madridin me rezultat 3-1 për të ngritur titullin e Superkupës së Spanjës. Trajneri i Barcelonës, duartrokiti angazhmin e të riut dhe shpreson që ai të mos ndalojë kurrë së demonstruari guxim në fushë.
Duke folur me gazetarët, Xavi tha: ” Gavi është një djalë që na emocionon të gjithëve kur e shohim duke luajtur kështu. Ai vendos shpirtin, zemrën dhe karakterin e tij në fushë dhe ia transmeton atë pjesës tjetër të ekipit. dhe ai është vetëm 18 vjeç.”
“Ai ishte i talentuar me aftësi të pabesueshme. Ai e projekton atë guxim dhe atë inat kur luan futboll dhe është diçka e veçantë për ta parë. E kam thënë tashmë këtë shumë herë, por kurrë nuk lodhem duke e lavdëruar atë. Shpresoj që ai kurrë të mos ndalet së luajturi kështu. sepse ai nuk ka kufij”, shtoi spanjolli.
“Gavi ka qenë një lojtar i rëndësishëm për gjigantët katalanas që kur u promovua në skuadrën e parë sezonin e kaluar. I ardhur nga akademia La Masia, ai fitoi çmimin prestigjioz Golden Boy në vitin 2022 , duke mposhtur Jude Bellingham, Jamal Musiala dhe Eduardo Camavinga.
Ai hapi rezultatin për skuadrën e tij kundër Madridit në finale, duke fituar lëvdata nga Sergio Busquets pas fitores.
/TV Arbëria
