Dardan Krasniqi ka reaguar për situatën e krijuar në pikat kufitare të Serbisë, duke u bërë thirrje qytetarëve që të bojkotojnë kalimin transit nëpër territorin serb.
Sipas tij, shumë udhëtarë kanë mbetur për orë të tëra pa ushqim dhe pa ujë, ndërsa në mesin e tyre ka edhe familje me fëmijë që po përballen me temperatura të larta dhe pritje të gjata.
Në reagimin e tij, Krasniqi kritikon ashpër autoritetet serbe, duke kujtuar krimet e kryera gjatë luftës në Kosovë dhe duke theksuar se më së shumti e pësojnë fëmijët e pafajshëm.
Ai përfundon duke u bërë thirrje qytetarëve që të shmangin udhëtimin nëpër Serbi dhe të zgjedhin rrugë alternative.