Kryeministri i Kosovës, Albin Kurti, në Vjenë ka përkujtuar se sa varre masive me shqiptar janë gjetur në Serbi dhe ka deklaruar që ai person që ka kryer gjenocid më shumë se dy dekada më herë po i mohon ato.
Ai tha se ishin 46 anëtarë të familjes Berisha ku 14 prej tyre ishin nën 15 vjeç, e mes tyre edhe dy foshnje dhe një grua shtatzënë. /TV Arbëria
Postimi i plotë:
“Nën një poligon qitjeje të policisë në periferi të Beogradit, në Batajanicë, jo larg “Sheshit të Republikës” së Beogradit, trupat e më shumë se 744 shqiptarëve u gjetën në një varr masiv.Ata trupa u varrosën në Kosovë, pastaj u zhvarrosën dhe u transportuan në Serbi për rivarrim të fshehtë në përpjekje për të fshehur dëshmitë e krimeve të luftës.
Midis këtyre trupave ishin dyzet e gjashtë anëtarë të familjes Berisha; 14 prej tyre nën 15 vjeç, mes tyre dy foshnje dhe një grua shtatzënë.
Pranë varrit masiv është ndërtuar një kishë e re ortodokse serbe.Deri më sot, në Serbi janë gjetur pesë varre masive, në Batjanicë, Rudnicë, Kizhevak, Peruqac dhe Petrovo Selo me gjithsej 950 trupa.
Megjithatë, nuk ka një pllakë përkujtimore dhe as një shenjë të vetme që tregon se ka pasur një varr masiv në të gjitha këto vende.
Sot, autori që kreu gjenocid vetëm pak më shumë se dy dekada më parë vepron si viktimë dhe mohon krimet. Mohim i plotë. Por ne nuk harrojmë”, thuhet në postim.
