Boksieri nga Kosova Luan Merseli do të zhvillojë një tjetër përballje të rëndësishme në ring më 16 maj në qytetin e Ingolstadt, në Gjermani.
Adhuruesit e boksit dhe bashkatdhetarët në diasporë janë ftuar të jenë të pranishëm për ta mbështetur boksierin kosovar në këtë ndeshje, e cila pritet të mbledhë shumë sportdashës nga komuniteti shqiptar.
Murseli konsiderohet një talent premtues në ring dhe shumëkush beson se ai meriton përkrahjen e të gjithë shqiptarëve, veçanërisht të diasporës që jeton në Gjermani dhe në vendet përreth.
“Mirë se vini më 16 maj në Ingolstadt për të ndjekur meçin e boksierit nga Kosova, Luan Merseli. Ai është një sportist që meriton përkrahjen e të gjithëve”, thuhet në thirrjen drejtuar bashkatdhetarëve për të qenë pjesë e këtij eventi sportiv.
Mbështetësit e tij shprehen me simbolikë: “Luan i ri, u bëfsh si luani i madh”, duke i uruar suksese boksierit kosovar në rrugën e tij sportive.
Pritet që kjo ndeshje të jetë një moment i rëndësishëm për karrierën e Merselit, ndërsa prania e tifozëve shqiptarë në sallë do të jetë një motiv shtesë për sportistin nga Kosova.