Ambasadori i Francës në Kosovë, Olivier Guerot, ka reaguar pas moscertifikimit të kandidatëve për deputet nga Lista Serbe për zgjedhjet e ardhshme. Përmes një postimi në platformën “X”, ai e ka cilësuar këtë vendim të Komisionit Qendror të Zgjedhjeve si zhgënjyes dhe të diskutueshëm.
Guerot theksoi se veprime të tilla nuk i kontribuojnë procesit zgjedhor transparent dhe gjithëpërfshirës.
“Vendimi i marrë dje nga KQZ-ja në lidhje me kandidatët për zgjedhjet e ardhshme është zhgënjyes dhe i diskutueshëm. Nuk po kontribuon në zgjedhje transparente dhe gjithëpërfshirëse”, ka shkruar ambasadori francez.