Në takimin e thirrur nga presidentja Osmani do të marrë pjesë edhe kryetari i AAK’së, Ramush Haradinaj.
Këtë për Express e konfirmoi zëdhënësi i AAK’së, Kushtrim Xhemajli.
“Po, në takim do të marrë pjesë kryetari Haradinaj”, tha ai.
Deri tani pjesëmarjen e ka konfirmuar LDK, ndërsa Express është në pritje të përgjigjes nga PDK.
Dje, në tentativën e dytë dështoi të formohet qeveria, mandatar i së cilës kësaj here ishte Glauk Konjufca.
Kjo i hapi rrugë zgjedhjeve të reja, për datën e së cilës pritet të diskutohet sot në takim.