Biznesmeni Qendrim Kryeziu ka reaguar ashpër ndaj deklarimeve të ministres së Ekonomisë, Rozeta Hajdari, e cila la të kuptohet se Ridvan Muharremi ka kaluar procedurat e sigurisë për përfshirje në procese të klasifikuara të shtetit. Sipas Kryeziut, një deklarim i tillë nuk sjell qartësi, por përkundrazi hap skandal të mundshëm institucional.
Ai thekson se nëse një person i përmendur publikisht për mbledhjen e dëshmive kundër ish-drejtuesve të UÇK-së ka marrë certifikatë sigurie, atëherë “institucionet e Kosovës kanë dështuar në mënyrën më të rëndë”.
Kryeziu kërkon përgjigje të qartë se:
Kush e ka angazhuar Ridvan Muharremin në çështjet e dëshmitarëve – Prokuroria e Dhomave të Specializuara apo Prokuroria e Serbisë?
Ai paralajmëron se institucionet nuk mund të fshehen pas përgjigjeve të mjegullta dhe se publiku ka të drejtë të dijë saktësisht rolin e Muharremit në proceset shtetërore.