Sot rreth orës 16:00 ka ndodhur një aksident trafiku me lëndime në vendin e quajtur “Përroi i Njelmët” në Prishtinë.
Zëdhënësi i Policisë për rajonin e Prishtinës, Enis Pllana, ka konfirmuar për Arberia TV se në aksident janë përfshirë një veturë dhe një tren.
“Si pasojë e aksidentit, një person ka pësuar lëndime trupore dhe i njëjti ka pranuar tretman mjekësor,” ka deklaruar Pllana.
Ai ka shtuar se me rastin po merret njësia e Trafikut Rajonal të Prishtinës, ndërsa hetimet janë në proces për të sqaruar shkaqet dhe rrethanat e aksidentit.