Kryetari i Aleancës për Ardhmërinë e Kosovës, Ramush Haradinaj, ka reaguar pas lajmit për njohjen e Kosovës nga Siria, duke e konsideruar këtë si një sukses të rëndësishëm të diplomacisë shqiptare dhe rezultat të bashkëpunimit me miqtë dhe aleatët ndërkombëtarë.
Haradinaj ka vlerësuar punën e Presidentes Vjosa Osmani, duke theksuar se përpjekjet e saj kanë çuar numrin e shteteve që e njohin Kosovën në 120 vende.
Ai gjithashtu nënvizoi se Kosova do të vazhdojë të qëndrojë krah botës demokratike dhe aleatëve të saj, duke forcuar pozicionin e vendit në arenën ndërkombëtare.