Tre persona kanë pësuar lëndime trupore si pasojë e një aksidenti që ka ndodhur sot paradite në rrugën “Fehmi Lladrovci” në Prishtinë.
Zëdhënësi i Policisë për rajonin e Prishtinës, Enis Pllana, ka konfirmuar për mediat se përplasja mes tri automjeteve ka ndodhur rreth orës 11:00.
“Të lënduarit kanë pranuar tretman mjekësor. Me rastin po merret Njësia e Trafikut të Prishtinës,” ka deklaruar Pllana.