Gjykata Kushtetuese e Kosovës ka dhënë detaje lidhur me ankesën e dorëzuar nga përfaqësuesit e Listës Serbe, më 30 gusht 2025, mbi çështjen e zgjedhjes së nënkryetarit të Kuvendit.
Gjykata ka bërë të ditur se kërkesa është ende në proces shqyrtimi dhe se në dokument nuk përdoret asnjëherë termi “Kuvendi i Prishtinës”.
“Kërkesa e parashtruar nga përfaqësuesit e Listës Serbe, më 30 gusht 2025, është duke u proceduar nga Gjykata. Në kërkesën e parashtruar nuk figuron askund termi ‘Kuvendi i Prishtinës’”, ka deklaruar Gjykata Kushtetuese.
Ky komunikim i Kushtetueses synon të sqarojë keqkuptimet rreth përmbajtjes së ankesës dhe të theksojë se procesi i shqyrtimit të saj është duke u zhvilluar në përputhje me procedurat ligjore.