Policia ka arrestuar një person në Prishtinë, të dyshuar për ‘tentim-vrasje’.
I njëjti dyshohet se ka shtënë me armë zjarri në drejtim të viktimës mashkull, mbrëmë pas orës 23.
Viktima ka marrë trajtim mjekësor në QKUK, kurse në vendin e ngjarjes janë gjetur gëzhoja e fragmente të predhave.
“Prishtinë 24.07.2025, 23:10. Është arrestuar i dyshuari mashkull kosovar pasi që i njëjti dyshohet se kishte shtënë me armë zjarri në drejtim të viktimës mashkull kosovar. Në vendin e ngjarjes janë gjetur dhe sekuestruar 14 gëzhoja si dhe 11 fragmente të predhave. Lidhur me rastin viktima është dërguar në QKUK për tretman mjekësor, ndërsa nga i dyshuari është sekuestruar një armë zjarri me një karikator dhe tre fishekë. Pas intervistimit me vendim të prokurorit i dyshuari është dërguar në mbajtje.”, thuhet në njoftimin e policisë.