Analisti politik Afrim Kasolli ka folur për kritikën publike që po i bëhet së fundmi mënyrës së qeverisjes nga Qeveria në detyrë e Albin Kurtit.
Sipas Kasollit, më shumë ka tensione e fërkime të brendshme nëpër parti politike, sesa kritikë ndaj Qeverisë në detyrë.
“Më shumë përplasje kemi kohën e fundit brenda PDK-së ndërmjet Lushtakut dhe Lladrovcit sesa kundërshtime ndaj Qeverisë në detyrë të Albin Kurtit. Më shumë ka fërkime të brendshme, tensione, kush është bajraktari e kush mund të vendosë, sesa ka ndonjë kauzë të përbashkët kundrejt këtij realiteti”, tha Kasolli në ARB Debat me Ridin që transmetohet në TV Arbëria.