Malisheva ka pësuar humbje në ndeshjen e parë të kualifikimeve në Ligën e Konferencës.
Ekipi kosovar pësoi minimalisht 0:1 në stadiumin “Fadil Vokrri” në Prishtinë ndaj ekipit nga Islanda, Vikingur Reykjavik, në rrethin e parë kualifikues në Ligën e Konferencës.
Goli i vetëm i takimit erdhi në minutën e parë shtesë të pjesës së parë ku shënoi Hansen.
Ndeshja e kthimit do të zhvillohet pas një jave në Islandë, ku Malishevën e pret punë e madhe për të përmbysur rezultatin dhe për të avancuar në raundin e dytë.