Përfaqësuesi i prodhuesve, Kushtrim Ajvazi, ka reaguar ashpër pas ndalimit të punës në një nga kompanitë prodhuese vendore, duke e quajtur situatën “të dhimbshme, por të vërtetë”.
“E dhimbshme… por e vërtetë! Sapo e konfirmova edhe vet gjatë një vizite në terren: Një nga kompanitë prodhuese ndërpren prodhimin. Rreth 200 punëtorë shkojnë në shtëpi!” ka shkruar Ajvazi.
Ai fajëson vendimin e Zyrës së Rregullatorit për Energji (ZRRE), i cili, sipas tij, ka detyruar kompanitë të dalë në tregun “e lirë” pa përgatitje të duhur.
“Arsyeja? Vendimi i ZRRE-së për t’i detyruar të dalin në tregun e ashtuquajtur ‘të lirë’! Kur vendimet burokratike merren pa përgatitje dhe pa ndjeshmëri për ekonominë reale — kjo është pasojë direkte: Fabrikat ndalen. Familjet preken. Shteti humb”. /TV Arbëria