Në bazë të dyshimeve për posedim ilegal të armës, Policia e Kosovës në Mitrovicën e Jugut, sot ka realizuar një bastisje, me ç’rast është gjetur dhe është sekuestruar një armë e gjatë me pesë fishekë.
Sipas policisë, bastisja është realizuar në shtëpinë e të dyshuarit në rrugën ‘Fadil Deliqi” në Mitrovicën e Jugut.
“Në cilësi të të dyshuarit për posedim ilegal të armës është intervistuar i dyshuari F. H., 67 vjeç, shtetas i Republikës së Kosovës i cili pas procedurave të intervistimit është liruar për procedurë të rregullt”, thuhet në njoftimin e Policisë.
Sipas policisë, ndaj tij është iniciuar rast për vepër penale ‘Mbajtje në pronësi, kontroll ose posedim i paautorizuar i armës’.