Deputetja e Kuvendit të Kosovës, Blerta Deliu-Kodra, ka reaguar pas ngjarjes tragjike të ndodhur sot në Prishtinë, ku humbi jetën dizajneri i njohur kosovar, Festim Isufi. Sipas raportimeve, në të njëjtin incident ka mbetur e lënduar edhe partnerja e tij, Rina, e cila ndodhet jashtë rrezikut për jetë.
Ajo më tej e ka cilësuar ngjarjen si tronditëse dhe të papranueshme, duke theksuar se dhuna nuk ka vend në shoqëri.
“Ngjarja e sotme është e rëndë, tronditëse dhe e papranueshme. Dhuna nuk ka justifikim. Çdo akt i tillë është plagë për shoqërinë tonë, dhe përgjegjësinë për t’i thënë ndal e kemi të gjithë. Më vjen keq për përfundimin tragjik të një jete që dikur krijonte mrekulli. Shërim të plotë dhe të shpejtë për Rinën”, përfundon ajo.