Dejona Mihali ka bërë një postim në Facebook, ku s’ka lënë pa përmendur gazetarët që sot gjatë gjithë ditës informuan publikun për ngjarjet në kuvendin e Kosovës.
Ajo ka thënë se dje në konferencën e Hekuran Muratit dhe Hajrulla Çekut dhe sot në paraqitjen e Albulena Haxhiut e Mimoza Kusarit gazetarët “shfaqën dëshirë të pazakontë për polemika edhe debat të atypëratyshëm”.
“Edhe dje në konferencën pas mbledhjes së qeverisë, gjatë përgjigjeve të Ministrave Hekuran Murati dhe Hajrulla Ceku edhe sot gjatë konferencës në Kuvend të ministres Albulena Haxhiu dhe deputetes Mimoza Kusari disa nga punonjësit e mediave shfaqën dëshirë të pazakontë për polemika edhe debat të atypëratyshëm.”
Ajo nuk i “harroi” as punëtorët e KDI e IKD që vazhdimisht kanë dhënë shpjegime ligjore për situatat e krijuar së fundi.
“Paralel me ta edhe punëtorët e organizatave KDI-IKD-dhe të ngjashme nga banaku i TV e kanë shfaqur këtë dëshirë. Me gjasë subjektet politike nuk po arrijnë të shohin potencialet që gjenden në këto grupacione. Mbase duhet në zgjedhjet e ardhshme të ftohen më shumë prej tyre si kandidatë. Jo ne kuptohet por opozita.”