FIFA ka gjobitur Federatën Shqiptare të Futbollit pas sjelljeve diskriminuese të tifozëve shqiptarë gjatë ndeshjes me Andorrën, e vlefshme për kualifikueset në Botërorin 2026.
Komisioni Disiplinor i qeverisë së futbollit botëror ka vendosur ta gjobisë me 20 mijë franga zvicerane FSHF-së si edhe mbylljen e të paktën 20% të stadiumit në ndeshjen e radhës së Shqipërisë.
Sipas njoftimit nga Federata, ky vendim do të ketë prioritet tribunat pas portave.
Kuqezinjtë rikthehen në fushë në datën 7 qershor që do të luajnë me Serbinë në Arenën Kombëtare në sfidën e vlefshme për eliminatoret e Botërorit 2026.“FIFA ka gjobitur Federatën Shqiptare të Futbollit pas sjelljes diskriminuese të tifozëve shqiptarë gjatë ndeshjes kualifikuese për Botërorin 2026 ndaj Andorrës, e zhvilluar në stadiumin “Arena Kombëtare” më 24 mars 2025.
Komisioni Disiplinor i FIFA-s e konsideron të papranueshme sjelljen e tifozëve dhe ka vendosur një gjobë prej 20 mijë frangash zvicerane ndaj FSHF-së si edhe mbylljen e të paktën 20% të stadiumit në ndeshjen e radhës së Shqipërisë në kompeticionet e FIFA-s, me prioritet në tribunat pas portave.
Sipas vendimit të dhënë nga FIFA, ky 20% mund të mbushet me grupe të komunitetit ose organizata kundër diskriminimit, me miratim paraprak nga qeveria botërore e futbollit. Gjithashtu, brenda 6 muajve, FSHF duhet të hartojë dhe të paraqesë një plan të përmirësuar kundër diskriminimit që duhet të miratohet nga FIFA.Federata u bën thirrje tifozëve që të vazhdojnë të mbështesin Kombëtaren, duke krijuar një atmosferë të ngrohtë dhe pozitive dhe i fton të tregojnë qytetari dhe respekt përmes sjelljes korrekte ndaj ekipit kundërshtar, për të shmangur çdo situatë që mund të dëmtojë ekipin kuqezi.FSHF mbetet në pritje të udhëzimeve të FIFA-s për mënyrën e zbatimit të vendimit”, njofton FSHF