Deputeti i Lidhjes Demokratike të Kosovës, Alban Zogaj, ka konfirmuar se LDK do të marrë pjesë në seancën konstituive të Kuvendit që do të mbahet të martën.
Megjithatë, ai ka bërë të qartë se subjekti i tij nuk do të japë mbështetje të pakushtëzuar për asnjë kandidat për kryetar Kuvendi.
“Po. Të martën do të marrim pjesë në seancën konstituive. Kurse votë blanko nuk kemi për askënd,” ka deklaruar Zogaj
Ai theksoi se zhvillimet politike do të vlerësohen në momentin kur ndodhin, duke lënë të hapur qëndrimin e LDK-së për hapat e mëtejshëm.
“Do të shohim si po rrjedhin ngjarjet politike në vend,” shtoi ai për FrontOnline.