Forcat e mbrojtjes ajrore të Ukrainës rrëzuan 42 drone ruse gjatë natës, ndërsa 22 të tjera u zhdukën nga radarët dhe nuk shkaktuan asnjë dëmtim.
Forca Ajrore e Ukrainës e tha këtë në një postim në Telegram, sipas Ukrinform.
Duke filluar nga ora 21:30 e të enjtes, 3 prill, forcat ruse nisën një valë sulmesh me 78 drone sulmuese, përfshirë UAV Shahed dhe drone të mashtrimit të llojeve të ndryshme, nga disa lokacione, përfshirë Bryansk, Millerovo, Primorsko-Akhtarsk dhe Kursk.
Sulmi ajror u kundërshtua nga njësitet e raketave të mbrojtjes ajrore, sistemet e luftës elektronike dhe ekipet e zjarrit mobil të Forcave të Mbrojtjes të Ukrainës.
Nga ora 08:30 e të premtes, 4 prill, forcat ukrainase kapën 42 drone mbi rajonet veriore, lindore dhe qendrore të vendit. Po ashtu, 22 drone mashtruese u zhdukën nga radarët pa shkaktuar ndonjë dëmtim apo pasojë të njohur.
Pasojat e sulmit rus u regjistruan në rajonet e Kharkiv, Dnipropetrovsk, Kyiv dhe Zaporizhzhia./kp