Arbëria TV

Blog Post

Arbëria TV > Kryesore > Osmani për masakrën e Polacit dhe Qabiqit: Pjesë e të vërtetës që s’guxon të harrohet

Osmani për masakrën e Polacit dhe Qabiqit: Pjesë e të vërtetës që s’guxon të harrohet

Presidentja e Kosovës, Vjosa Osmani ka përkujtuar përvjetorin e masakrës së Polacit dhe asaj të Abrisë së Poshtme.

Osmani në Facebook ka thënë se këto masakra nuk janë vetëm kujtime të dhimbshme, por pjesë e historisë dhe e së vërtetës që nuk guxon të harrohet.

“Në prillin e vitit 1999, Polaci dhe fshatrat përreth përjetuan njërën nga ofansivat më të egra të regjimit gjenocidal serb. Brenda një jave, u vranë 78 civilë shqiptarë, burra, gra e fëmijë. Sot përulemi me nderim të thellë edhe para kujtimit të 8 dëshmorëve të Ushtrisë Çlirimtare të Kosovës, të cilët ranë në altarin e lirisë. Më 7 prill të atij viti, makineria vrastare serbe sulmoi edhe Abrinë e Poshtme, ku ekzekutoi 10 civilë nga fshati Qabiq, një tjetër krim që dëshmon përmasat e terrorit që ushtrohej mbi popullsinë shqiptare në atë kohë. Këto masakra nuk janë vetëm kujtime të dhimbshme, por pjesë e historisë sonë, e të vërtetës që nuk guxon të harrohet. Duke nderuar martirët dhe dëshmorët, ne kujtojmë sakrificën, mbrojmë të vërtetën dhe riafirmojmë përkushtimin tonë për drejtësi. Qoftë i përhershëm kujtimi për të gjithë të rënët për lirinë e Kosovës”, ka shkruar Osmani.