Një 16 vjeçar nga Podujeva dhe një 14 vjeçare nga Fushë-Kosova janë raportuar të zhdukur brenda 24 orëve në Kosovë.
Kështu thuhet në raportin 24-orësh të Policisë së Kosovës.
“Ankuesi m/k ka njoftuar policinë se djali i tij 16 vjeçar ka dalë nga shtëpia dhe nuk dihet për vendndodhjen e tij. Rasti në hetime.
Ankuesi m/k, ka njoftuar policinë se vajza e tij 14 vjeçare ka dalë nga shtëpia dhe nuk dihet për vendndodhjen e saj. Rasti në hetime”, thuhet në raport.