Në kuadër të protestave masive të studentëve në Serbi, ndërtesa e Radio Televizionit të Serbisë (RTS) në qendër të Beogradit është bllokuar dhe në një moment ka pasur përleshje me policët. Protestuesit njoftuan se bllokada e ndërtesës së RTS do të zgjasë 22 orë.
Nëpërmjet bllokadave dhe protestave, studentët kërkojnë që autoritetet të mbajnë përgjegjësi për vdekjen e 15 personave në shembjen e tendës së stacionit hekurudhor në Novi Sad më 1 nëntor të vitit të kaluar.
“Sonte na quajtën turmë nga spikerja e RTS-së. Prandaj sonte po e bllokojmë ndërtesën e RTS-së. Asnjë dhunë, pa ndërhyrje. Të gjithë punonjësit do të lejohen të dalin nga ndërtesa – por askush nuk do të hyjë”, thanë studentët e Fakultetit të Mjekësisë në Beograd.
Ata janë ende të mbledhur para objektit të RTS-së.
Një përplasje me policinë ka ndodhur në rrugën Aberdareva. MPB njoftoi se një pjesëtar i xhandarmërisë është lënduar dhe është transportuar në Qendrën Emergjente për shkak të lëndimit në sy.
Është bllokuar edhe ndërtesa e RTV-së në Novi Sad.