Kandidati i Vetëvendosjes për deputet, Luan Gacaferi, është tallur sot me lajmin për mungesën e ish-presidentit Hashim Thaçi në seancën e sotme në Hagë për shkak të gjendjes shëndetësore.
Duke ironizuar edhe me disa kandidatë për deputetë të partive të tjera, për të cilët u raportua se nuk fituan ulëse në Kuvend, Gacaferi shkruan se “a ka naj lajm të mirë sot për Kosovën a jo”.
Gacaferi garoi në këto zgjedhje me numrin 71 në listën e Vetëvendosjes.
“A ka naj lajm të mirë sot për Kosovën a jo!!!
Thaqi për shkaqe shëndetsore nuk merr pjesë në seancën gjyqësore, ju vazhdohet paraburgimi, Tahiri se kalon pragun, Haki Abazi i merr veç 1 vota, Ardian Kastrati se kalon pragun, Pay Pali po lufton për jetë a vdekje me pragun, Zafir Berishës ja kishin vjedh hakerat votat………
Hajr e boft Zoti se tjetër s’don njeri çka me thonë!”