Kryeministri i Shqipërisë Edi Rama, ka shprehur mbështetje për deklaratën e emisarit të SHBA-së, Richard Grenell, i cili theksoi se burgimi i ish-presidentit të Kosovës, Hashim Thaçi, duhet të marrë fund.
Rama theksoi se kjo çështje po shndërrohet në një njollë për sistemin e drejtësisë ndërkombëtare, duke shtuar se sa më shumë që vazhdon ky proces, aq më shumë drejtësia ndërkombëtare dëmton veten.
”Absolutisht! Dhe sa më shumë që vazhdon, aq më e madhe bëhet njolla mbi trupin e drejtësisë ndërkombëtare!”, thuhet në reagimin e tij.
