Kuvendi ku po zhvillohen debate mes opozitës dhe mazhorancës, është përfshirë nga kaosi dhe tensione të forta.
Gjatë shkëmbimeve të akuzave, në një moment, ministri Taulant Balla i drejtohet Sali Berishës, duke iu referuar Flamur Nokës: “Merre këtë, se është i çmendur”.
Noka humbi kontrollin duke iu vërsulur vendit ku qëndronte Balla. Në vërshim e sipër, Noka hodhi në tokë një gardist e më pas mori një shishe ujë e goditi me të Ballën.
U desh ndërhyrja e Gardës për të tërhequr Nokën, ndërsa kryetarja e Kuvendit Elisa Spiropali ndërpreu seancën dhe e përjashtoi deputetin e PD-së nga Kuvendi.