Një sulm me armë zjarri ka ndodhur në një shkollë në Suedinë qendrore, tha policia suedeze, duke shtuar se pesë persona janë të afektuar nga sulmi, raporton BBC.
Të shtënat ndodhën në Örebro, 200 km në perëndim të Stokholmit, të martën pasdite, derisa Policia thotë se nuk dihet saktë sa është niveli i lëndimeve.
Ministri suedez i drejtësisë Gunnar Strömmer tha për SVT Örebro se situata është “shumë serioze” dhe përgjigjja ndaj incidentit është ende duke u zhvilluar.
Qeveria suedeze mbetet në kontakt të ngushtë me autoritetet, tha ai.