Policia Rajonale e Ferizajt ka shqiptuar mbi 1 mijë gjoba javën e kaluar si pjesë aktiviteteve për parandalim të aksidenteve në komunikacion.
Derisa, janë raportuar 29 aksidente, prej tyre 11 me persona të lënduar dhe 18 me dëme materiale.
“Në kuadër të këtyre aktiviteteve policia rajonale e Ferizajt gjatë javës që kaloi, nga data 13-19/01/2025 ka shqiptuar 1,009 gjoba kundërvajtëse dhe ka hequr 6 patentë shoferë për drejtuesit që kanë shkaktuar kundërvajtje më të rënda në komunikacionin rrugor”- thuhet në një komunikatë për media të Policisë.
Policia Rajonale e Ferizajt thekson se do të vazhdojë me aktivitete të shtuara, me synim parandalimin e aksidenteve në komunikacionin rrugor si dhe u bëri thirrje shoferëve që të bëjnë kujdes në komunikacionin rrugor.
“Ftojmë qytetarët që të bashkëpunojnë më policinë”- thekson më tej policia.
