Policia e Kosovës ka njoftuar se gjatë një kontrolli në shtëpinë e një të dyshuari në rrugën “Ane Spaiq” në Mitrovicën Veriore i janë gjetur granata dore.
I dyshuari është arreshtuar, ndërsa policia tha se këto granata i ka tërhequr njësiti për deminim.
Po ashtu, atij iu gjetën disa kartela të kripto-valutave me mjete përcjellëse dhe një çantë me pajisje optike për armë.
“Ane Spaiq, Mitrovicë Veri 17.01.2025 – 14:45. Gjatë kontrollit në shtëpinë e të dyshuarit mashkull kosovar, i janë gjetur dhe konfiskuar granata dore të cilat i ka tërhequr njësiti për deminim, disa kartela të kripto-valutave me mjete përcjellëse dhe një çantë me pajisje optike për armë. I dyshuari është intervistuar dhe me vendim të prokurorit, është arrestuar dhe dërguar në mbajtje”, thuhet në raportin policor.
