Kryetari i LDK-së në Podujevë, Ekrem Hyseni, ka bërë homazhe me kryetarin e partisë, Lumir Abdixhiku, pranë varrit të Presidentit Historik, Dr. Ibrahim Rugova.
Përmes një postimi në Facebook, ai ka thënë se Republika e Kosovës peshon mbi emrin e Arkitektit të saj, Atit themeltar, Dr. Ibrahim Rugova.
“Presidenti Historik, Dr. Ibrahim Rugova me filozofinë e tij politike të cilën e ndërtoi e fuqizoi dhe e ndërkombëtarizoi, arriti ta jetësojë trinomin: Liri, Pavarësi, Demokraci”, ka shkruar ai.
Postimi i tij i plotë:
Në 35-vjetorin e themelimit të Lidhjes Demokratike të Kosovës, së bashku me kryetarin Dr. Lumir Abdixhiku, bëmë homazhe pranë varrit të Presidentit Historik, Dr. Ibrahim Rugova.
Republika e Kosovës peshon mbi emrin e Arkitektit të saj, Atit themeltar, Dr. Ibrahim Rugova.
Me dije, urti dhe durim të jashtëzakonshëm vuri themelet e një politike të qartë më 23 dhjetor të vitit 1989, me themelimin e LDK-së.
Presidenti Historik, Dr. Ibrahim Rugova me filozofinë e tij politike të cilën e ndërtoi e fuqizoi dhe e ndërkombëtarizoi, arriti ta jetësojë trinomin: Liri, Pavarësi, Demokraci.
