Një nga liderët e opozitës në Serbi, Dragan Gjilas, është sulmuar mbrëmë në Beograd, kur i është afruar një grupi personash që po ngjitnin postera duke e quajtur “hajdut”.
Së shpejti, shtytja është shndërruar në konflikt, pas së cilës Gjilas është pranuar në Qendrën Emergjente të Qendrës Klinike Universitare të Serbisë, shkruan bbc.
Marinika Tepiq, nënkryetare e SSP-së dhe përfaqësuese në Kuvendin e Serbisë, njoftoi se një nga sulmuesit ishte një anëtar i lartë i SNS-së, Luka Petroviq, i cili është edhe Sekretar i Qytetit për Investime në Beograd.
Gjilas ka publikuar një video nga Qendra Emergjente dhe ka dhënë një deklaratë për mediat serbe, ku ka folur për atë që ka ndodhur.
“Ne erdhëm t’i pyesim pse po e bëjnë këtë, pse posterat e bukur që i shikojnë njerëzit dhe që ofendojnë dikë, për të cilët prej vitesh pretendojnë se nuk janë të tyret, por siç e shihni – ata janë të tyret dhe Vuçiqi është pas tyre. Posterat janë ngjitur edhe vite më parë dhe në shkollën ku shkojnë fëmijët e mi”, tha Gjilas.
Ai shtoi se nuk ka qenë përleshje, sepse “ishim dhjetë, dhe ne vetëm dy”.
Në fund të deklaratës, Gjilas tha se gjëra të tilla tashmë po ndodhin në Serbi.