Një video e këngëtares shqiptare Parashqevi Simaku si e pastrehë në SHBA ka trazuar rrjetin ditëve të fundit.
Pas kësaj videoje ka pasur shumë reagime nga figurat publike në Kosovë e Shqipëri. Së fundmi Behgjet Pacolli përmes një postimi në facebook ka bërë të ditur se përmes Donat Sylës, ish-Konsulli i Kosovës në Kanada, ka marrë informacione për gjendjen e rënduar të këngëtares.
Pacolli së bashku me Halil Kastratin kanë shprehur gatishmëri për t’i ndihmuar këngëtares.
“Gjatë një takimi që patëm sot me humanistin Halil Kastrati dhe ish-konsullin e Kosovës në Kanada @ Donat Syla, ky i fundit na informoi në detaje për gjendjen e rëndë të këngëtares së famshme shqiptare, Parashqevi Simaku.
Ne, Shoqata “Jetimat e Ballkanit” dhe Fondacioni “Behgjet Pacolli,” shprehim gatishmërinë për të vënë në dispozicion një banesë dhe për të marrë përsipër të gjitha shpenzimet për transferimin e saj në Kosovë ose Shqipëri, duke i garantuar asaj punësim adekuat ose një pension mujor”, ka shkruar Pacolli.
Ai shtoi se shoqëria jonë duhet të përkujdeset për personalitetet që kanë dhënë shumë për kombin.