Rebelët dhe civilët sirianë janë parë duke hyrë dhe plaçkitur rezidencat e ish-presidentit të vendit Bashar al-Assad në Damask.
Fëmijët u panë duke vrapuar në hyrje të pallatit presidencial Al Rawda të Assadit, ndërsa burrat dolën me mobilje, sipas një video të publikuar nga The Guardian. Një burrë i armatosur është parë duke mbajtur një pushkë.
Një tjetër video e postuar në rrjetet sociale tregonte korridoret e asaj që dukej të ishte një tjetër rezidencë në kryeqytet, me tingujt e burrave dhe grave që festonin. “Këto janë paratë e popullit”, u dëgjua duke thënë një burrë, shkruan CNN.
CNN shkruan edhe për një video tjetër që tregon një grua duke vizituar kuzhinën e një shtëpie në lagjen Al Maliki të Damaskut që përshkruhej si një “pallat presidencial”.
Kuzhina e pajisur mirë përfshinte një frigorifer industrial dhe një furrë picash. Kuzhina ishte ende e mbushur me fruta, perime dhe peshk. Një fletore tregonte një menu “për zonjën” dhe “shefin” duke përfshirë shënime mbi preferencat e tyre të kuzhinës, si dhe receta.