Dy persona, në raste të ndara, janë gjetur të vdekur gjatë ditës së djeshme në Ferizaj.Lidhur me rastet, Policia tashmë ka nisur hetimet.
Rasti i parë ka ndodhur në Nerodime të Epërme të Ferizajt.“HETIM I VDEKJES Fsh. Nerodime e Epërme, Ferizaj 02.12.2024 – 11:20. Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësitë përkatëse ndërsa ekipi mjekësor ka konstatuar vdekjen e viktimës. Lidhur me rastin është njoftuar prokurori”, thuhet në raport.
Ndërkohë, rasti tjetër ka ndodhur në rrugën Enver Topalli, një grua ka raportuar se e ka gjetur të vdekur vëllain e saj.“Rr. Enver Topalli, Ferizaj 02.12.2024 – 15:45. Ankuesja femër kosovare ka raportuar se e ka gjetur pa shenja jete vëllain e saj viktimën mashkull kosovar. Në vendin e ngjarjes kanë dalë njësitë përkatëse ndërsa ekipi mjekësor ka konstatuar vdekjen e viktimës. Lidhur me rastin është njoftuar prokurori”, thuhet në raportin 24 orësh të Policisë.