Zëdhënësi i Partisë Demokratike të Kosovës, Faton Abdullahu, ka cekur disa pika për Donald Trump, shkruan TV Arbëria.
Abdullahu përmes një postimi në facebook është shprehur se Trump më parë se shumë të tjerë e ka kuptuar rrezikun nga Kina për paqen, demokracinë dhe stabilitetin në shumë regjione botërore, tutje ai thotë se i njëjti ka qenë kundër një pjese të evropianëve për aq sa ata e konsideronin krejt normale bashkëpunimin e papenguar jo rrallë edhe të favorizuar me Rusinë dhe Kinën.
Postimi i plotë:
Për Trampin mund të thuhen shumë gjëra unë sot po i them katër:
1. Për shkak të biznesit të tij me përmasa planetare ai më parë se shumë politikanë amerikanë e ka kuptuar rrezikun nga Kina për paqen, demokracinë dhe stabilitetin në shumë regjione botërore.
2. Ai ishte kundër një pjese të evropianëve për aq sa ata e konsideronin krejt normale bashkëpunimin e papenguar jo rrallë edhe të favorizuar me Rusinë dhe Kinën, jo rrallë edhe në dëm të ShBA-së
3. Para se Rusinë ai ka përzgjedh të meret me dhe kundërshtoj Kinën. Që këtë ta bëj më suksesshëm të njëjtën nuk e ka bërë shumë edhe kundër Rusisë që mos të krijoj bazë mbi të cilën ata do të bashkohen kundër ShBA-së
4. Me Qeverinë Kurti, populiste dhe e majtë radikale, nuk ka premisa të mira që të bashkëpunohet dobishëm me Administratën Tramp, sepse Kurti është produkt edhe i atyre evropianëve që kanë favorizuar gjeopolitika tjera ku lokomotivë nuk është preferuar të jetë ShBA-ja.